Бишкекте мас абалында унаа айдаган сот аткаруучу кармалды. Бул тууралуу Бишкектин кайгуул кызматынан билдиришти.

Мас абалында кармалган айдоочу ичимдик ичип-ичпегенин ырастоо үчүн Наркология борборуна жеткирилген. Кайгуул кызматы бөлүшкөн видеодо көрүнгөндөй, сот аткаруучу тааныштарына чалып, кутулуп кетүүнүн айласын издеген. Ошондой эле “унааны башка адам башкарган” деп, мас болуп унаа айдаганын мойнуна алган эмес.

Текшерүүнүн жыйынтыгы айдоочу ичимдик ичкенин көрсөткөн.

Кайгуул кызматы айдоочуларды жол эрежесин сактоого чакырат.

Эскерте кетсек, мас абалында унаа башкарган жарандар 1 жылга айдоочулук күбөлүктөн ажыратылат. Мындай норма быйыл 8-марттан тарта киргизилген.

Биздин Телеграм каналга катталыңыз