Бишкек — Ош унаа жолундагы кырсыктан эки өспүрүм каза болуп, үч адам жабыркады. Бул тууралуу ӨКМдин басма сөз кызматы билдирди.

Маалыматка караганда, жол кырсык Бишкек — Ош унаа жолунун 390-чакырымында катталган, Subaru Outback үлгүсүндөгү унаанын айдоочусу рулга ээ боло албай, жолдун четинде токтоп турган чиркегичти сүзгөн.

Кырсыктын кесепетинен 5 эркек адам жабыркаган. Куткаруучулар жеткенге чейин 4 адамды тез жардам кызматы Кара-Көл шаардык ооруканага алып кетишкен, ал эми кыпчылып калган 1 адамды куткаруучулар чыгарып ооруканага жеткизишкен. Абалдары оор.

Ооруканадан 2006-жылы туулган К.М. жана 2006-жылы туулган К.Э. аттуу балдар каза болушкан. Жерине Кара-Көл шаардык №94 ӨКБдан 4 куткаруучу тартылган.

Бардык жаңылыктар Телеграм каналда