Бишкек шаарында “Тазалык” кызматынын бир кишисин унаа сүзүп мерт кетти.  Бул туурасында милициянын кайгуул кызматынан билдиришти.

Маалыматка караганда, окуя бүгүн, 4-январда саат 8:15  чамасында болгон. Анда 41 жаштагы аял киши Тойота Пробокс үлгүсүндөгү автоунаасы менен Шабдан баатыр көчөсүндө күн батышты көздөй бара жатып, 35 жаштагы жөө адамды сүзүп алган. Ал окуя болгон жеринен көз жумган. Каза болгон жөө адам “Тазалык” ишканасынын кызматкери экени аныкталган.

Учурда автоунаа айып короосуна токтотулуп, айдоочу Бишкек милициясынын тергөө кызматына жеткирилген.