УКМК кызматкерлери Кыргызстандын Жаратылыш ресурстары, экология жана техникалык көзөмөл министрлигине караштуу «Борбордук лаборатория» мамлекеттик мекемесинин директору М.К.З.ны кармашты.

УКМКнын басма сөз кызматы билдиргендей, тергөөнүн жүрүшүндө Бишкек ЖЭБине жеткирилип жаткан көмүрдүн сапатын лабораториялык изилдөөлөрдүн көрсөткүчтөрүн жасалма түрдө жолжоболоштуруу жана ашырып көрсөтүү схемасы аныкталган.

Тергөөнүн версиясы боюнча, шектүү ошондой эле жылытуу мезгилине даярдык көрүүнүн алкагында көмүр жеткирүү менен алектенген жеке компаниялардын кызыкчылыктарын сүрөөгө көмөктөшкөн болушу мүмкүн. Мындай аракеттер борбор калаанын ЖЭБинин жабдууларынын иштөөсүнүн начарлашына алып келип, ошондой эле Бишкектеги экологиялык абалга терс таасирин тийгизиши мүмкүн экендиги белгиленет.

Тергөө иш-чаралары улантылууда, ишке тиешеси бар бардык адамдар жана иштин жагдайлары такталып жатат.

Белгилей кетсек, ачык маалыматтарга ылайык, Жаратылыш ресурстары министрлигине караштуу «Борбордук лаборатория» мамлекеттик мекемесинин директору Мурзабеков Кантемир Зулумович болуп саналат.