Бишкек шаарында жогорку технологиялуу Трансплантация жана диализ борборунун курулушу уланууда. Саламаттык сактоо министрлигинин маалыматына караганда, жер төлө кабаты толук бүткөрүлүп, учурда биринчи кабатта курулуш иштери жүрүп жатат.

446,6 млн сомдук долбоор республикалык бюджеттен каржыланууда.

Борбордо нефрология, гепатология, гемодиализ, трансплантация бөлүмдөрү, лабораториялар жана операциялык залдар болот. Ал орган алмаштырууга муктаж бейтаптарды текшерүүдөн өткөрүп, дарылоону толук камтууга багытталат.