Бишкекте адам өлтүрүүгө шектелген жаран кармалды. Бул тууралуу шаардык милициядан билдиришти.

Милициянын маалыматы боюнча, 4-октябрда аларга Кулиев көчөсүндө белгисиз жаран бычактан жараат алганы тууралуу маалымат түшкөн. Жерине милиция кызматкерлери барганда, бычак жеген жаран тез жардам унаасында эсине келбей көз жумганы белгилүү болгон.

Аталган факт боюнча “адам өлтүрүү” беренеси менен кылмыш иши козголгон.

Иликтөө иштеринин натыйжасында шектүү катары 32 жаштагы Б.И. аттуу жаран кармалган. Соттун чечими менен ал тергөө аяктаганга чейин 2 айга №1 тергөө абагына камакка алынган.

Тергөө иштери уланууда.