Бишкекте Жибек Жолу менен Панфилов көчөлөрүнүн кесилишинде айдоочу 75 жаштагы карыяны өлтүрө сүзүп кетти.
Reporter.kg’ге Милициянын кайгуул кызматынан билдиришкендей, окуя 29-июнда болжол менен саат 16:40та болгон. 30 жаштагы айдоочу Жибек Жолу менен батышты көздөй бара жатып Панфилов көчөсү менен кесилишкен жерде жөө өтмөктөн өтүп бара жаткан адамды сүзгөн. 75 жаштагы карыя окуя жеринде каза тапкан.
Учурда тергөө амалдары жүрүүдө, унаа айып короосуна токтотулуп, тиешелүү экспертизалар дайындалган.
Милициянын кайгуул кызматы айдоочуларды жол эрежесин сактоого чакырат.
Биздин Телеграм каналыбызга катталыңыз
