Бишкекте алдамчылыкка шектүү катары чет элдик жаран кармалды. Бул тууралуу Биринчи май райондук милициядан билдиришти.

Маалыматка караганда, быйыл 4-мартта милицияга А.К. аттуу жаран кайрылып, 2019-жылы 29-декабрда Пакистандын М.Д. аттуу жараны чет өлкөдөн унаа алып келип берем деп 77 миң сом алып, алдап кеткенин билдирген.

Бул фактыга байланыштуу Кылмыш-жаза кодексинин 209-беренеси (алдамчылык) боюнча кылмыш иши козголгон.

Ыкчам-тергөө иштеринин натыйжасында шектүү катары 57 жаштагы Д.А. аттуу Пакистандын жараны кармалган. Соттун чечими менен шектүү камакка алынган.

Милиция шектүүнүн кылмыштуу аракеттеринен жабыр тарткан жарандар болсо, 0707 10 55 55 жана 102 номери аркылуу кабар берүүсүн суранат.

Биздин Телеграм каналга катталыңыз