2026-жылдын 11-майынан тартып Бишкек шаарындагы алты көрүстөндө маркумдардын сөөгүн коюуга жана мурда коюлган сөөктөрдүн жанына кошумча сөөк коюуга (подзахоронение) тыюу салынды. Чечим шаардык Мамлекеттик санитардык-эпидемиологиялык көзөмөлдөө борборунун корутундуларынын негизинде — санитардык жана экологиялык талаптарга жооп бербегендигине, ошондой эле бош жер тилкелеринин жоктугуна байланыштуу кабыл алынды.

Сөөк коюу төмөнкү көрүстөндөрдө токтотулду:

• Ыбырайым Абдрахманов жана Абдрашит Бердибаев көчөлөрүнүн кесилишиндеги;
• «Энесай» конушундагы Орхон жана 11-Энесай көчөлөрүнүн кесилишиндеги;
• «Көк-Жар» конушундагы Фёдор Достоевский жана Арстанбап көчөлөрүнүн кесилишиндеги;
• Орто-Сай айылындагы Мамбет Иманалиев көчөсүндөгү;
• Михаил Лермонтов жана Иван Мичурин көчөлөрүнүн кесилишиндеги;
• Төмөнкү Ала-Арча айылындагы Кыргыз көчөсү менен Түндүк айланма жолунун кесилишиндеги.

Мэрия шаар тургундарынан маркумдун сөөгүн коюуну уюштурууда киргизилген чектөөлөрдү эске алууну суранат. Иштеп жаткан көрүстөндөр тууралуу маалымат алуу үчүн «Бишкек ритуалдык кызмат көрсөтүү агенттиги» муниципалдык ишканасына кайрылуу зарыл.