Бишкек шаарында 12-15-май күндөрү аялдардын укугун коргоого багытталган көргөзмө өтөт. Бул тууралуу уюштуруучулар билдирди.
Маалым болгондой, көргөзмө Кыргызстандагы аялдардын укугун коргоого багытталган “Адам укугу – сенин чоң күчүң” долбоорунун алкагында өтөт.
Көргөзмөгө өздөрүнүн чыгармалары аркылуу аялдардын укугун коргоо маселелерин көтөргөн Татьяна Зеленская, Беназир Калиева жана Эрнест Какитаев сыяктуу сүрөтчүлөрдүн эмгеги көрсөтүлөт.
Көргөзмө Эркиндик 64б дарегинде жайгашкан Ololo Erkindik үйүндө өткөрүлмөкчү. Кирүү акысыз.
