ИИМдин маалыматы боюнча, Бишкек шаарында кумар оюндарын мыйзамсыз уюштурууга шектелген жарандар кармалды.

Алдын ала алынган маалыматтарга ылайык, шектүү оюндарды өткөрүү үчүн бир күндүк батирлерди ижарага алып, катышуучуларын чакырып, ар биринен 5 пайыз киреше алган.

Кылмыш-жаза кодексинин 219-1-беренеси («Оюн-зоок ишин мыйзамсыз уюштуруу») боюнча кылмыш иши козголгон. Ыкчам-издөө иш-чараларынын жүрүшүндө кумар оюндарынын жайгашкан орду жана аны уюштурууга тиешеси бар адамдар аныкталды. Учурда 3 шектүү кармалып, убактылуу кармоочу жайга киргизилди.