Жалал-Абад шаардык кеңешинин депутаттары шаардын аталышын «Манас» деп өзгөртүүгө макулдугун беришти. Сессияда калаа башчысы демилгени сунуштап, депутаттар аны колдоп чыгышты.

Шаар мэринин айтымында, Жалал-Абад шаарынын аталышынын илимий негиздөөсү жок, тарыхчылар жана илимпоздор уламыштарга таянып айтып келишет. Ошондуктан шаардын атын «Манас» деп өзгөртүү чечими кабыл алынууда.

Процедурага ылайык, сунуш коомдук талкуудан өтүп, Жогорку Кеңеште үч окууда каралып, андан соң колдоо тапса президентке жөнөтүлөт.