Бишкектеги №56 мектеп коронавируска байланыштуу карантинге жабылганын вице-мэр Виктория Мозгачева брифингде билдирди.
Анын айтымында, билим берүү мекемесинде бир инкубациялык мезгилде эки учур аныкталган.
«Алгоритмге ылайык, бир мезгилде эки учур катталса, анда карантинге жабылат. Аталган мектепте мугалим менен бир окуучу ооруп жатат, ошол себептен биз мектепти карантинге жабууга туура келди», — деди ал.
Виктория Мозгачева борбор калаанын мектептериндеги үч класс дагы онлайн режимге өткөнүн белгиледи.
«Жаңы жылдан кийин бардык мектептер онлайн окутууга өтөт деген маалымат чындыкка дал келбейт», — деп кошумчалады ал.
