Бүгүн, 16-майдан тарта Бишкек шаарындагы Чыңгыз Айтматов проспектиси менен Лев Толстой көчөлөрүнүн кесилишинде жайгашкан эстакадалык көпүрөдө оңдоо иштери башталат. Буга байланыштуу аталган тилкеде унаа кыймылына чектөөлөр киргизилет. Бул тууралуу мэриядан билдиришти.

Оңдоо иштерине байланыштуу Чыңгыз Айтматов проспектиси менен Лев Толстой көчөсүнүн кесилишиндеги жол убактылуу жабылат. Ошондой эле асфальт төшөө иштерине байланыштуу көпүрөнүн эки тарабына тосмолор орнотулат. Жол кыймылына киргизилген чектөөлөр ушул жылдын 15-июлуна чейин күчүндө болот.

Аталган тилкеде эмнелер жасалат жана жаңыланат:

• эскирген конструкцияларды демонтаждоо;
• каптамаларды алып салуу жана фасаддарды жаңылоо;
• тротуарларды калыбына келтирүү;
• аймакты тазалоо жана курулуш таштандыларын чыгаруу;
• коммуналдык инфраструктураны жаңыртуу (кабелдик линияларды тартуу);
• жарыктандыруу жабдууларын алмаштыруу жана LED лампаларын орнотуу;
• темир тосмолорду орнотуу.