Саламаттык сактоо министрлигинин Бишкектеги ден соолукту чыңдоо борборунун бир катар жетекчилери кызматын кыянаттык менен пайдаланганы аныкталды. Бул тууралуу Ички иштер министрлигинен билдиришти.

Маалыматка караганда, Бишкектеги ден соолукту чыңдоо борборунун бир нече жетекчиси документтерди жасалмалоо менен акысыз көрсөтүлчү кызматтар үчүн жарандардан мыйзамсыз акча алып жүргөнү аныкталган. Маселен 2022-жылы эле алар бейтаптардан мыйзамсыз акча алып, 1 млн сом “киреше” тапкан.

Учурда аталган факт боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) боюнча кылмыш иши козголгон. Иликтөө иштери жүрүп жатат.

Ошондой эле аталган борбордун мурдагы жылдардагы иши боюнча текшерүү иштери жүрүүдө.

Биздин Телеграм каналга катталыңыз