Бишкекте эл аралык издөөдө жүргөн жаран кармалды. Бул тууралуу Ички иштер министрлиги билдирди.
Милиция аны коомдук жайларда жүзүн таануу системасы орнотулган сырткы байкоо камераларынын жардамы менен кармаган.
Ал Орусиянын аймагында оор кылмыш жасагандыгы үчүн эл аралык издөөдө жүргөн. Көзөмөл камералары анын өздүгүн тактап, издөөдө жүргөнүн тастыктады, деп билдирет ИИМ.
2015-жылы Орусияда оор кылмыш жасагандыгы үчүн кылмыш иши козголуп, убактылуу кармоочу жайга киргизилген.
