Президент Садыр Жапаровдун катышуусу менен эртең, 25-ноябрда, Бишкекте Элдик Курултай ишин баштайт. Бул тууралуу өлкө башчынын басма сөз кызматы билдирди.

Маалыматка караганда, иш-чара эки күн — 25-26-ноябрга созулат.

Ага өлкөнүн бардык облустарынан жана аймактарынан миңден ашуун делегат, ошондой эле Жогорку Кеңештин депутаттары, Министрлер Кабинетинин мүчөлөрү жана өлкөнүн мамлекеттик органдарынын жетекчилери катышат. Курултайдын жыйынтыгы боюнча Биринчи Элдик Курултайдын резолюциясы кабыл алынат.

Биринчи Элдик Курултай УТРК, республикалык, облустук телеканалдарда жана социалдык тармактардагы баракчаларда түз алып көрсөтүлөт. Көрсөтүү 25 жана 26-ноябрда саат 10:00дө башталат.

Телеграм каналыбызга каттала кетиңиз