.svg){kind=logo}
Эки айлык тандоо: Кыргызстандын аттары Көчмөндөр оюндарына кантип даярдалдыКырчында 77 жаштагы карыянын жүрөгү кармап, Балыкчыга тик учак менен жеткирилдиШКУ саммитинин чечимдери Кыргызстанга жакынкы 2-3 жылда эмне берет — эксперттин көз карашыКырчында кыргыз-казак төкмө акындарынын эл аралык айтышы өтүүдөБишкекте Ленинград блокадасынын башталганынын 85 жылдыгына арналган эскерүү акциясы өтөт«Бир түндүк алдында»: Дүйнөлүк көчмөндөр оюндарында 28 өлкөнүн окумуштууларынын конференциясы ачылды
Бишкекте этти дүңүнөн сатуу Ош базарынан жаңы «Чүйгүн» павильонуна көчүрүлдү
15.01.2026 | 09:56
Борбор калаада эт азыктарын дүңүнөн сатуу тартиби өзгөрдү. 14-январдан тарта Ош базарындагы соода аянтчасы өз ишин расмий түрдө токтотту. Бишкекте этти дүңүнөн сатуунун жаңы борбору болуп «Алтын-Така» комплексинин аймагында (Биринчи Май району, Маевка аймагы) жайгашкан адистештирилген «Чүйгүн» павильону калды.
Бул реформа КР Министрлер кабинетинин токтомун аткаруунун алкагында ишке ашырылды. Көчүрүүнүн негизги максаты — ветеринардык жана фитосанитардык ченемдердин так сакталышын камсыздоо, буга чейин Ош базарынын шарттарында муну ишке ашыруу кыйынчылык жаратып келген.
«Чүйгүн» павильону 800 чарчы метр аянтты ээлейт жана заманбап санитардык-гигиеналык стандарттарга толук ылайык долбоорлонгон. Объекттин инфраструктурасы төмөнкүлөрдү камтыйт:
- сапатты ыкчам көзөмөлдөө үчүн өзүнүн лабораториясын жана ветеринардык кызматтын кеңсесин;
- адистештирилген карантиндик сактоо жайын;
- аянты 90 чарчы метрди түзгөн муздаткыч камераны;
- административдик жана көмөкчү жайларды.
Рубрики: Жаңылыктар, Коом
