Бүгүн, 11-августтан, тарта Фрунзе көчөсүнүн Ибраимов көчөсүнөн Абдрахманов көчөсүнө чейинки бөлүгү убактылуу жабылат. Бул тууралуу Бишкек шаардык мэриясы билдирди.

Бул иштер жолдорду реабилитациялоо долбоорунун кезектеги этабы болуп саналат. Буга чейин аталган көчөнүн А. Сүйүнбаевден Ибраимовго чейинки тилкесинде оңдоо иштери бүткөрүлүп, жол кыймылы үчүн ачылган.

Оңдоо учурунда эски асфальт катмары алынып, жолдун негизи бекемделет жана жаңы асфальт төшөлүп, инженердик тармактар жаңыланат. Муниципалитет айдоочуларды жана жөө жүргүнчүлөрдү жол жүрүү багыттарын алдын ала пландаштырууга чакырат.