18-27-май күндөрү Бишкек шаарындагы Улуттук госпиталда кытайлык офтальмологдор катаракта диагнозу коюлган бейтаптарга акысыз операцияларды жасашат. Иш-чара «Экспресс-ден соолук – жаркын саякат» эл аралык долбоорунун алкагында өтөт. Бул тууралуу Саламаттык сактоо министрлиги билдирди.

Пландалган 300 операция амбулатордук негизде жүргүзүлөт. Бейтаптарды каттоо 12-майдан 18-майга чейин саат 09:00дөн 16:00гө чейин (иш күндөрү) жүргүзүлөт.

Катталуу үчүн талап кылынган документтер:

• офтальмологдун жолдомосу;
• көкүрөк рентгенографиясы;
• ЭКГ;
• кандын жана зааранын жалпы анализи, кандагы канттын анализи;
• В жана С гепатиттеринин маркерлери;
• 64 жашка чейинкилер үчүн RW анализи;
• өздүгүн тастыктаган документтер (жеңилдиктери бар күбөлүктөр кошо).