Бүгүн, 16-майдан 19-майга чейин Бишкек шаарындагы Лев Толстой жана Термечиков көчөлөрүнүн кесилиши унаа кыймылы үчүн жабылды. Бул тууралуу шаар мэриясы маалымдады.

Чектөөлөр аталган аймактагы жолду капиталдык оңдоодон өткөрүү жана жаңы асфальт төшөө иштерине байланыштуу киргизилди.

Мэрия тургундарды жана айдоочуларды жаралган убактылуу ыңгайсыздыктарды түшүнүү менен кабыл алууга чакырды.