Бүгүн, 10-мартта Бишкекте айдоочу эки унааны катары менен сүзүп алды. Бул тууралуу Reporter.kg’ге окуянын күбөлөрү билдирди.
Алардын айтымында, окуя Кара-Көл көчөсүндөгү турак үй жай комплексинин короосунда болгон.
Mercedes-Benz унаасынын айдоочусу ордунан жылып бара жатып, педалды алмаштырып алган. Мындан улам алгач анын алдынан өтүп бара жаткан унааны, андан кийин токтоп турган Volkswagen унаасын сүзгөн.
Mercedes-Benz Volkswagen’ди сүзгөн учурда анын айдоочусу унаанын ичинде отурган. Бактыга жараша эч ким жабыркаган эмес.
Биздин Телеграм каналга катталыңыз
