Бишкекте митинг өткөрүүгө чектөөлөр 2023-жылдын аягына чейин узартылды. Бул боюнча Биринчи май райондук соту чечим кабыл алганын мэрия кабарлады.
Маалыматка караганда, калаа башчылыгы массалык баш аламандыктарды болтурбоо жана бөгөт коюу максатында сотко кайрылган.
31-декабрга чейин Жогорку Кеңештин, Россиянын элчилигинин имараттарынын жанында, «Ала-Тоо» аянтында, президенттин администрациясынын, Улуттук коопсуздук мамлекеттик комитетинин алдында тынч чогулуштарды жана митингдерди өткөрүүгө болбойт.
Жарандар Рыскулов жана Исанов көчөлөрүнүн кесилишиндеги Максим Горький атындагы сейил бакта гана чогула алышат.
