Бишкекте милиция кызматкерлери мушташка катышкан чет өлкөлүк жарандарды Тергөө кызматына жеткиришти. Бул тууралуу ИИМдин басма сөз кызматынан билдиришти.

Алдын ала маалымат боюнча, жаңжал 28-августта чет өлкөлүк жарандар жашап жаткан убактылуу турак жайда болгон. Алгач алардын ортосунда сөз талаш чыгып, кийин ал мушташка айланган.

Милиция кызматкерлери жаңжалдын бардык катышуучуларынын өздүгүн аныктап, аларды Тергөө кызматына жеткиришти.

Бул факт Бишкектин Октябрь райондук ИИБинин маалыматтарды каттоо журналына катталды. Учурда тергөөгө чейинки текшерүү жүргүзүлүп жатат. Анын жыйынтыгы менен ар бир катышуучунун аракетине укуктук баа берилет.