Бишкекте сот кызматкерлери үчүн 81 батирлүү 9 кабат турак үйдүн курулушу бүткөрүлдү. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.

Маалым болгондой, турак үй “Юдахин көчөсү №64” дарегинде жайгашкан. Ал 2017-жылы республикалык бюджеттин эсебинен салына баштаган. Бирок 2019-2022-жылдары акча бөлүнбөй, курулуш иши токтоп турган. 2023-жылдан баштап Мамлекеттик ипотекалык компаниясы курулуш иштерине каржылоо жүргүзгөн.

“Бүгүнкү күнү турак жайдын курулушу аяктады. Жакынкы күндөрү пайдаланууга тапшыруу күтүлүүдө”, – деп айтылат маалыматта.