3-июль күнү саат 23:00дөн баштап Бишкекте муниципалдык түнкү автобус каттамдары пилоттук режимде иштей баштайт. Түнкү убакта линияга №3, №16, №19, №35, №45 жана №56 автобустары чыгат.

Алты каттамдын ар биринде үчтөн унаа каттап, саат 23:00дөн 05:00гө чейин үзгүлтүксүз кыймылды камсыз кылат.

Атайын тарифтер белгиленди: накталай эмес төлөмдө (банк же транспорттук карта, QR-код аркылуу) жол кире акысы 70 сомду, ал эми накталай төлөөдө — 90 сомду түзөт.