Бишкекте веложолдорду жана тротуарларды тазалоо үчүн жаңы атайын жабдуулар алынды. Бул тууралуу мэриядан билдиришти.
Маалыматка караганда, “Тазалык” муниципалдык ишканасы велосипед жолдорун жана тротуарларды жууган атайын техникаларды сатып алды.
“Учурда мэриянын аракети менен борбор калаанын аймагына веложолдор курула баштады. Скутер жана электр велосипед тээп жүргөндөрдүн саны күн сайын көбөйүүдө. Натыйжада ишкананын кызматкерлери веложолдорду жана тротуарларды атайын техника менен жууганга мажбур болушууда”, — деп айтылат маалыматта.
Мэрия белгилегендей, жаңы технологияны колдонуу менен веложолдорду тазалоодо иш алда канча натыйжалуу болот.
Биздин Телеграм каналга катталыңыз
