Кыргызстандык ыктыярчылар Бишкек шаарындагы чет элдик жарандарга жардам берип жатышат.
Ыктыярчы Перизат Анарбек кызы соцтармак аркылуу билдиргендей, алар 18-майга караган түнү болгон окуядан кийин коркуп, үйдөн чыга албай отурган чет элдик студенттерге тамак-аш менен жардам көрсөтүп жатышат.
Алар жалпы 17 батирдеги жана хостелдеги чет элдиктерге азык-түлүк жеткирип беришкен. Каражатты кайдыгер эмес кыргызстандыктар чогултушкан. Жардам көрсөтүү уланууда.
Белгилей кетсек, Бишкектеги хостелдердин биринин алдында чет өлкөлүктөр менен жергиликтүү тургундардын катышуусунда массалык мушташ болуп, андан кийин 18-майга караган түнү Чүй проспектиси менен Курманжан датка көчөлөрүнүн кесилишинде 200-300дөй адам чогулган.
Кийинчерээк Ички иштер министрлиги Бишкек шаарында 18-майга караган түнү болгон окуянын хронологиясын жарыялаган.
19-майда Пакистандын 180ге жакын жараны атайын рейс менен Бишкектен учуп кетишкен.
Пакистандык студенттердин биринчи тобу Бишкектен учуп кетишти (видео)
Биздин Телеграм каналга катталыңыз
