Бишкек шаарында жаңы “Ак-Кула” көмөк чордону курулду. Бул тууралуу Энергетика министрлиги билдирди.

Маалыматка ылайык, жаңы көмөк чордон эски ипподромдун аймагында жайгашып, “Жал”, “Рабочий городок”, “Ипподром” райондорунун жана Мамлекеттик ипотеткалык компания куруп жаткан жаңы үйлөрдү электр энергиясы менен камсыз кылат.

“Ак-Кула” көмөк чордону кубаттуулугу 16 миң кВА болгон заманбап жабдуулар менен жабдылган, анын ичинде элегазалык өчүргүчтөр, ток трансформаторлору жана 110 кВ чыңалуудагы ажыраткычтар бар.

Бул долбоор “Кыргызстан улуттук электр тармагы” ишканасы тарабынан каржыланып, Бишкек электр тармактарынын адистери тарабынан ишке ашырылган.