Бишкекте жаран 8,7 млн сомдук маңзат менен кармалды. Бул тууралуу Ички иштер министрлигинен билдиришти.

Маалым болгондой, шектүү – 29 жаштагы жаран С.А.Д. Кармоо учурунда ал качууга аракет кылып, бирок колго түшүрүлгөн.

Шектүүнүн унаасынан “спайс” психотроптук заты табылып алынган. Анын баасы 8 млн 750 миң сомго жетет.

Кармалган жигитке 282-берене (сатуу максатында баңги каражаттарды, психотроптук заттарды жана алардын аналогдорун мыйзамсыз даярдоо) менен кылмыш иши козголгон.

Учурда бул ишке тиешеси бар адамдарды аныктоо иштери жүрүүдө.