Бишкекте каракчылыкка шектелип эки адам кармалды. Бул тууралуу Биринчи май РИИБдин басма сөз кызматы билдирди.
Маалыматка караганда, 4-январда жабыркаган жигит милицияга арыз менен кайрылган. Анын айтымында, 31-декабрга караган түнү Кулиев-Жумабек көчөлөрүнүн кесилишинде белгисиз адамдар ага кол салып, бири далыга бычак сайган. Алар анын 4 миң АКШ долларын алып кетишкен.
Бул фактынын негизинде Тергөө кызматы тарабынан Кылмыш-жаза кодексинин 207-беренеси (Каракчылык) боюнча кылмыш иши козголгон.
Биринчи май РИИБдин ыкчам кызматкерлери тарабынан кылмышка шектүүлөр кармалды. Алар 1999-жылы туулган Ж.Э. жана 2001-жылы туулган К.Б. болуп чыкты, алар мурда ушул сыяктуу кылмыштар үчүн бир нече жолу соттолгон. Алар убактылуу кармоочу жайга киргизилди.
Тергөө иштери уланып, керектүү экспертизалар дайындалды.
Биздин Телеграм каналга катталыңыз
