Бишкекте жөө өтмөктөн 16 жаштагы кызды сүзүп кетишти. Анын кесепетинен кыз башынан оор жаракат алып, ооруканага жаткырылды. Бул тууралуу Reporter.kg’ге милициянын Кайгуул кызмат башкармалыгынын басма сөз кызматы билдирди.

Посмотреть эту публикацию в Instagram

Публикация от Reporter.kg (@reporter_kg)

Окуя 23-сентябрь, шейшемби күнү, саат болжол менен 15:00 чамасында Фрунзе жана Логвиненко көчөлөрүнүн кесилишинде болгон. 36 жаштагы эркек киши Mercedes-Benz үлгүсүндөгү унаасын Фрунзе көчөсү менен батыш тарапка айдап баратып, жөө өтмөктөн өтүп бара жаткан кызды сүзгөн.

Жабыркаган кыз 16 жаштагы У.Э. экендиги аныкталды. Ал башынан оор жаракат алып, ооруканага жеткирилген. Топтолгон материалдар тергөө кызматына өткөрүлгөн.