Бишкек шаарынын мэри Айбек Жунушалиев А. Малдыбаев атындагы Опера жана балет театрында өткөн Улуттук Урбан Форум – 2025ке катышты.

«Кыймылдагы шаар – көйгөйлөрдөн чечимдерге» аталышындагы панелдик сессияда мэр Жогорку Кеңештин депутаты Чыңгыз Айдарбеков жана урбан-активист Алтынай Жу менен бирге борбор калааны өнүктүрүүнүн негизги маселелерин талкуулады.

Талкуунун негизги темалары:

• Кыргыз Республикасынын туруктуу өнүгүү максаттары;
• Жашоо үчүн маанилүү транспорттук реформалар;
• Шаар экологиясын жакшыртуу жана масштабдуу жашылдандыруу;
• Жайлуу коомдук жайларды түзүү;
• Көп кабаттуу унаа токтотуучу жайларды куруу жана коомдук транспорт үчүн атайын тилкелерди өнүктүрүү.

Форумдун катышуучулары шаарды заманбап жана ыңгайлуу кылуу үчүн бул чараларды ишке ашыруунун маанилүүлүгүн белгилешти.