Бишкек шаарында жума намаз, айт намаз жана мечиттердеги ифтарларды токтотуп туруу сунушталды. Мындай маалыматты “Репортёрго” Муфтияттын басма сөз кызматынан тастыкташты.

Маалыматка ылайык, мамлекеттик санитардык-эпидемиологиялык көзөмөлдөө борборунан калаадагы эпидемиологиялык абалга байланыштуу даават, жума намаз, айт намаз жана мечиттердеги ифтар сыяктуу массалык иш-чараларды убактылуу токтотуп туруу сунушу менен Кыргызстан Мусулмандар дин башкармалыгына кат барган.

“Бизге сунуш менен кат келген. Бүгүнкү күндө ал каралып жатат. Мечиттерде ифтарлар уюштурулбай эле. Ал эми калган сунуштары боюнча биз расмий билдирүү таратабыз”, – деп билдиришти.