Бишкек шаарынын Октябрь районундагы Аалы Токомбаев проспектисинин боюндагы жөө адамдар өтүүчү жол жарыктандырылды. Шаар мэриясынын маалыматында, иштерди «Бишкекжарык» муниципалдык ишканасы аткарган.

Жумуштар Сухэ-Батор көчөсүнөн 12-кичи районго чейинки аралыкта жүргүзүлгөн. Аталган тилкеге 75 жарыктандыруу мамысы жана светодиоддук чырактар орнотулган.

Жарыктандыруу караңгы мезгилде жөө адамдардын коопсуздугун камсыз кылуу максатында коюлган.

Мэрия шаардын көчөлөрүн жана жөө жүргүнчүлөр өтүүчү аймактарды тышкы жарык менен камсыз кылуу иштери уланарын билдирди.