Бишкек шаарында өтө турган Шанхай кызматташтык уюмунун (ШКУ) саммити жана VI Дүйнөлүк көчмөндөр оюндарынын (ДКО) ачылыш аземине байланыштуу ички иштер органдары күчөтүлгөн тартипте кызмат өтөйт. Бул тууралуу Бишкек ШИИБ билдирди.

Маалыматка ылайык, тартиптин сакталышын жана коопсуздукту камсыз кылууга 15 миңден ашык кызматкер тартылат. Милиция кызматкерлери иш-чаралар өтүүчү жайларда, делегациялар жүрүүчү маршруттарда, адамдар топтолгон жерлерде, көчөлөрдө жана аянттарда кызмат өтөшөт.

Учурда даярдык иштери жүрүп, мамлекеттик органдардын өз ара аракеттенүү маселелерин иштеп чыгуу аяктоодо. Жеке курамга тиешелүү нускамалар берилди.

Посмотреть эту публикацию в Instagram

Публикация от Reporter.kg (@reporter_kg)