Боом капчыгайында сел агызып кетиши мүмкүн делген “Тойота Сиенна” үлгүсүндөгү унааны Өзгөчө кырдаалдар министрлигинин куткаруучулары издеп жатышат.
ӨКМдин басма сөз кызматы билдиргендей, Бишкек — Нарын — Торугарт жолунун 135-чакырымында сел жүрүп, унааны Чүй дарыясына агызып кеткени тууралуу маалымат түшкөн.
Окуя болгон жерде 5 куткаруучу иштеп жатат.
30-июлда Боомдо сел жүрүп, Кыз-Күйөө айылы жабыркаган.
Бүгүн эртең менен эки тарапта жол кыймылы ачылды.
Буга чейин Боом капчыгайында тоодон түшкөн суу унааларды кошо агызып жатканын күбөлөр билдиришкен.
Бардык жаңылыктар Телеграм каналда
