Бооом капчыгайында беш күн бою таш түшүрүү иштери жүргүзүлөт. Бул тууралуу «Кыргыз темир жолу» ишканасы билдирди.

Иштер Бишкек – Нарын – Торугарт унаа жолунун 128-чакырымында 13–17-октябрь күндөрү саат 9:00дөн 15:00гө чейин жүргүзүлөт. Коопсуздукту камсыздоо максатында жол кыймылы ИИМдин ЖКККББнын кызматкерлери тарабынан убактылуу жарым-жартылай жабылат. Унаалар бир тилке аркылуу өткөрүлөт.

Эгерде 30–40тан ашык унаа топтолсо, таштарды түшүрүү иши убактылуу токтотулуп, унаалардын өткөрүлүшү камсыздалат.

Ишкана бул иштер таш кулоолорду алдын алуу жана жол кыймылынын катышуучуларынын коопсуздугун камсыздоо максатында өткөрүлүп жатканын билдирди.