Бүгүн, 2-майда, Борбордук шайлоо комиссиясы (БШК) Жогорку Кеңештин депутаты Темирлан Айтиевдин ыйгарым укуктарын мөөнөтүнөн мурда токтотуу чечимин кабыл алды.

БШКнын маалыматында, депутат мандатын жеке арызы менен тапшырган.

Темирлан Айтиев 2025-жылдын декабрында №20 көп мандаттуу шайлоо округунан Жогорку Кеңешке депутат болуп шайланып келген. Эми анын ордуна аталган округдан 2 867 добуш алган талапкер Максат Алымбеков келери айтылууда.