8-сентябрда Борбордук шайлоо комиссиясында Кыргызстандагы шайлоолордо колдонулуучу шайлоо жабдууларынын үзгүлтүксүз жана сапаттуу иштешин камсыздоо маселелери боюнча жумушчу кеңешме өттү. Бул тууралуу комиссиянын басма сөз кызматы билдирди.

Ага БШК төрагасы Тынчтык Шайназаров, жер-жерлердеги системдик администраторлор жана БШК аппаратынын кызматкерлери катышкан.

Тынчтык Шайназаров бардык кызматкерлер тарабынан шайлоо эрежелерин жана мыйзам талаптарын так жана бекем сактоонун зарылдыгын баса белгилеген. Кеңешмеде ошондой эле участкалык шайлоо комиссияларындагы шайлоо жабдууларын тестирлөө иштери боюнча маалымат угулган.