Чүй облусунда Бурана мунарасынан кыз кулап каза болду. Бул тууралуу облустук ички иштер башкы башкармалыгынын басма сөз кызматы билдирди.

Маалым болгондой, 30-майда Чүй райондук ички иштер бөлүмүнө кыз Буранадан кулап кеткени тууралуу маалымат түшкөн. Окуя болгон жерден 25 жаштагы Ысык-Ата районунун тургунунун жансыз денеси табылган.

Факты маалымат журналына катталды.

Сурак маалында комплекстин зыяратчылары жана жумушчулары кыз жалгыз келип мунарага чыгып кеткенин, ал учурда башка эч ким жок экенин айтышкан.

Учурда иштин бардык жагдайларын тактоо боюнча тергөө-ыкчам иш-чаралары жүргүзүлүүдө.