Бурганактан улам Ош-Бишкек жолу жабылды. Бул тууралуу Жол кыймылынын коопсуздугун камсыздоо башкы башкармалыгынын Жалал-Абад облустук бөлүмүнүн басма сөз кызматынан билдиришти.

Маалыматка ылайык, Ала-Бел ашууларындагы жана Чычкан капчыгайында кардын тынымсыз жаап жана бороон болуп жолдор тыгын болууда. Буга байланыштуу бүгүн, 1-апрелде саат 16:20дан баштап Бишкек – Ош унаа жолунун 272 чакырымында жайгашкан “Арал” стационардык посттунан, Жалал-Абад областтык ЖККК бөлүмүнүн кызматкерлери тарабынан, унаалардын бардык түрүнө убактылуу чектөө киргизилген.