Бүгүн, 8-январда Бишкекте күрөш боюнча Кыргызстандын чемпионаты башталат. Бул тууралуу Дене тарбия жана спорт департаментинен билдиришти.
Өлкө биринчилиги Каба уулу Кожомкул атындагы Спорт ордосунда өтөт.
Мелдештин биринчи күнүндө грек-рим балбандары 55, 63, 72, 82, 97 кг салмактарда күч сынашат. Чемпионаттын жыйынтыгы менен күрөш боюнча улуттук курама команда түзүлөт.
Таймаштар саат 11:00до башталат. Ал УТРК Спорт каналында түз эфирде көрсөтүлөт.
Эскерте кетсек, өлкө чемпионатынын алкагында грек-рим күрөшү боюнча мелдеш 8-9-январда, эркин күрөшү боюнча 10-11-январда өтөт.
