Бүгүн, 22-декабрда Бишкекте президент Садыр Жапаровдун катышуусунда жаңы жылдык президенттик балаты өтөт.
Балатыга өлкөнүн бардык аймактарынан 1100 бала чакырылган. Алардын арасында окуунун мыктылары, олимпиадалардын, эл аралык сынактардын жана мелдештердин жеңүүчүлөрү, балдар үйлөрүнүн тарбиялануучулары, укук коргоо органдарынын кызматкерлеринин жана кызматтык милдеттерин аткарууда курман болгон аскер кызматкерлеринин балдары, аз камсыз болгон үй-бүлөлөрдүн балдары жана ден соолугунун мүмкүнчүлүгү чектелген балдар жана башкалар бар.
Жаңы жылдык балаты Т. Сатылганов атындагы Кыргыз улуттук филармониясында өткөрүлөт.
