Бүгүн, 22-марттан тартып “Аэрофлот” авиакомпаниясынын “Москва–Бишкек–Москва” багыты боюнча эртең мененки каттамы жандандырылды. Бул тууралуу “Манас” эл аралык аэропортунун басма сөз кызматы билдирди.

Тактап айтканда, «Аэрофлот» авиакомпаниясы Москва-Бишкек каттамын күнүнө эки жолу, эртең менен жана түштөн кийинки убакта аткармакчы.

“Авиабилеттерге байланыштуу суроолор боюнча авиакомпанияга кайрылуу керек”,- деп айтылат маалыматта.

Белгилей кетсек, Орусиянын “Аэрофлот” авиакомпаниясы 8-марттан тартып чет өлкөгө, анын ичинде Кыргызстанга да учкан бардык каттамдарынын убактылуу токтоткон. Бирок, аталган компания 14-мартта Кыргызстанга каттамын жандаткан.