Быйылкы жылдын 6 айында жол кырсыктардан 37 бала каза болгон. Бул тууралуу Улуттук статистика комитетинен билдиришти.
Маалыматка караганда, быйыл 6 айда Кыргызстанда жалпы 3 миң жол кырсыгы катталган. Ал өткөн жылга караганда 11%га аз. Жол кырсыктарынны көбү Бишкек шаарында (44%), Чүй (20%га жакыны) жана Ош (9%га жакыны) облустарында болгон.
Жол кырсыктарында 4 миң 629 адам жабыркап (2021-жылга караганда 8,7%га аз), 248 киши каза болгон (24,6%га аз).
Ошол эле учурда балдардын катышуусунда 802 жол кырсыгы катталып, ал былтыркы жылга салыштырмалуу дээрлик азайган эмес. Жол кырсыктарынан 37 бала каза болуп, 929у жаракат алган.
Өлкө боюнча 185 жол кырсыкта айдоочулар мас болуп чыккан (2021-жылга караганда 7,5%га аз).
Бардык жаңылыктар Телеграм каналда
