Былтыр 11 айда чет элдик компаниялар «Google’га салык» катары Кыргызстандын бюджетине 705,6 млн сом төлөдү. Бул тууралуу «Акчабар» каржы порталы жазды.

2023-жылга караганда «Google’га салыктан» түшкөн акча 267,9 млн сомго көп же 1,6 эсе өскөн. Мурдагы жылы 437,6 млн сом чогулган

«Google’га салык» Кыргызстанда 2022-жылы киргизилген. Ал Кыргызстанда электрондук кызматтарды көрсөтүп, акча таап, бирок салык төлөөчү катары катталбаган чет элдик компаниялар тарабынан төлөнөт. Учурда алардын саны 40тан ашат, алардын ичинде Google да бар.