Үстүбүздөгү жылдын январь-июль айларында Кыргызстанда 9 млрд 351,2 млн кВт/саат электр энергиясы өндүрүлдү. Бул тууралуу Экономика министрлиги жарыялаган маалыматтарда айтылды.

Бул көрсөткүч өткөн жылдын ушул мезгилине салыштырмалуу 871,0 млн кВт/саатка көп.

Министрликтин маалыматында, өндүрүүнүн көбөйүшү калктын жана чарба жүргүзүүчү субъекттердин электр энергиясын керектөөсүнүн жогорулашына байланыштуу болгон.