Кыргызстанда күйүүчү майдын баасы дагы өсүшү ыктымал. Бул тууралуу Нефтетрейдерлер ассоциациясы маалымдады.

Маалыматка ылайык, Россиядагы мунай базарында баа улам рекорд жаңылап жатат. Себептери:

• жайкы сезондук муктаждыктын жогорулашы;
• дрон чабуулдарынан улам айрым заводдордо оңдоо иштери жүрүшү;
• өндүрүш көлөмүнүн азайышы.

Ушундан улам июль айынан тартып Кыргызстанда бензин жана дизель акырындык менен кымбаттап келүүдө.

Ассоциация өкүлдөрү негизги милдет рынокто күйүүчү майдын тартыштыгына жол бербөө экенин белгилешти.