18-сентябрда саат 04:07де Кыргызстан, Казакстан чектеш аймактарында жер силкинди. Анын очогундагы күчү 3 баллга жеткенин Өзгөчө кырдаалдар министрлигинин астындагы Сейсмология институту билдирди.
Алдын-ала маалыматтарга караганда, зилзаланын очогу Казакстандын аймагында, Күнгөй Ала-Тоонун түндүк тоо кыркаларында, Талды-Суу айылынан түндүк-чыгышка 22 чакырымда, Каракол шаарынан түндүк-чыгышка 56 чакырымда болгон.
Кыргызстандын эл жыш жашаган аймактарында жер титирөө сезилген эмес.
